" السلام عليكم ورحمة الله وبركاتة "
دعونا نرحب معًا بهذه الموهبة المتألقة ، فهيا معًا لِنبدأ ♡♡
▪︎الاسم؟ : لبنى ربيع دراز
▪︎السن؟ : 46
▪︎المحافظة؟ : السويس
▪︎الموهبة؟ : القراءة و الكتابة
لقبك؟ : نور الشمس
▪︎ هل بإمكانك أن تحدثنا عن نفسك ؟! : انا من أصول صعيدية بس اتولدت و اتربيت فى السويس خريجة تجارة متصالحة جدا مع نفسي و راضية الحمدلله بنصيبى دايما انسانة بسيطة لأبعد الحدود و أكيد اللى يعرفنى عن قرب عارف كدا
▪︎كيف إكتشفت موهبتك ؟
أيام الثانوى كنت غاوية شخبطة و فجأة كتبت اول خاطرة وقتها أكتشفت انى بحب الكتابة و ابتديت بشخابيط و خربشات صغيرة
▪︎ متى بدأت الكتابة ؟ :
تقريبا من سنة 95 كتبت اول فكرة ليا اللى حولتها لرواية و نشرتها سنة 2021
▪︎ من أول مشجع لك؟
شلة المجانين بناتى
▪︎ماهي الصعوبات التي واجهتها؟ وكيف تخطيتها؟ :
الحمدلله ما واجهتش اى صعوبات فى الكتابة انما صعوبات الحياة كتير و بتغلب عليها بالصبر و الرضا و الحمدلله بفضل ربنا و دعاء الوالدين بتعدى و تهون
▪︎هل تعتقد أنك ستتخلى يومًا عن موهبتك؟! : لو حسيت أنى مش قادرة أقدم رسالة هادفة من خلال موهبتى
▪︎ماذا تمثل لك موهبتك؟ :
حياة بعيش جواها و برسم فيها عالم خيالى شبه مثالى لعل حد يستفيد منه و يبقى في يوم من الأيام واقع
▪︎أرِنا بعض من كتاباتك :
أول رواية كتبتها موعد مع القدر(تحدى الإعاقة) و يليها
العشق الأبدي ج1
نغم( وجع و دموع)
العشق الأبدي ج2 قيد الكتابة و هينزل قريب ان شاء الله
نوفيلات. رحلة مع المجانين و أولاد الشوارع
مجموعة إسكريبتات تحت أسم حكايات من رحم الحياة
الطفشان ، نورا ، المسحراتى ، وفاء زوج ، دعوة أمى ، من أجل عمتى ، خيانة عظمى ، إذا الموؤدة سئلت ، رحلة الموت ، عالم تانى و رب صدفة العمل اللى مشتركة بيه فى الاحتفالية ده غير أعمال تانية فى باقى الاحتفاليات
▪︎من هو مثلك الأعلى في هذا المجال؟ : نجيب محفوظ و توفيق الحكيم
▪︎هل ترى أن التواصل الإجتماعي لهُ دورًا في هذا المجال؟ : أكيد له دور لأن جميع الفئات العمرية موجودة ع السوشيال ميديا و ده بيساعد جدا فى سرعة الانتشار
و كل ما كان العمل هادف و المحتوى قيّم كل ما زادت نسبة القراء و المتابعين
▪︎ما هي طموحاتك؟ :
أحقق حلمى و يكون لى عمل درامى فى التليفزيون
▪︎رسالة توجهها لِكل كاتب مبتدئ؟ : مهما قابلت من نقد سلبى اوعى تستسلم و خد النقد ده حافز للنجاح و اتعلم منه أزاى تتفادى اى أخطاء بعد كدا