" السلام عليكم ورحمة الله وبركاتة "
دعونا نرحب معًا بهذه الموهبة المتألقة ، فهيا معًا لِنبدأ ♡♡
▪︎الاسم؟ : تسنيم هشام
▪︎السن؟ : ١٧ سنة
▪︎المحافظة؟ : الجيزة
▪︎الموهبة؟ : الكتابة، الرسم.
لقبك؟ : مفيش لقب ليا بس صحباتي الكاتبات القريبين مني بيقولوا ليا يا توتا أو يا تسنيمة🩷
▪︎ هل بإمكانك أن تحدثنا عن نفسك ؟! : أنا تسنيم عندي ١٧ سنة بدأت كتابة من ٣ سنين وأول مرة قرأت كان بسبب ماما هي اللي عرفتني على القراءة وخلتني أقرأ روايات منى سلامة، وعلى عكس أمهات كتيرة أنا وماما بنتابع نفس الكاتبات سوا وبننزل نشتري روايات سوا لأن هي زرعت فيا حب القراءة من زمان زي ما جدو زرعه فيها.
▪︎كيف إكتشفت موهبتك ؟
الموضوع كان صدفة الصراحة وبدأت كتابة مع صحبتي "ندى عادل" وكنا بنزل روايات سوا بصراحة اول رواية ليا شيء أنا لا افتخر به خالص لأنها لا سرد ولا حبكة ولا حاجه بس الحمدلله طورت من نفسي بمساعدة ناس كتيرة
▪︎ متى بدأت الكتابة ؟ :
من ٣ سنين
▪︎ من أول مشجع لك؟
ماما وندى صحبتي
▪︎ماهي الصعوبات التي واجهتها؟ وكيف تخطيتها؟ :
مكنتش عارفة إزاي هكتب كويس واتشهر وسط كل الكاتبات العمالقة اللي حواليا ومعظمهم صحابي كمان، بس الحمدلله كلهم بيشجعوني بلا استثناء وكلهم بيتمنوا ليا الخير ربنا يخليهم ليا
▪︎هل تعتقد أنك ستتخلى يومًا عن موهبتك؟! :
لا خالص لأن أنا بحب أكتب حتى لو هكتب على ورق خواطر واحتفظ بيها بس اكتب وده شيء مش هقدر اتخلى عنه
▪︎ماذا تمثل لك موهبتك؟ :
شغف، حياة.
▪︎أرِنا بعض من كتاباتك :
مش هعرف احط اقتباس أو حاجه بس ليا نوفيلات زي
_قسوة زوج
_ورد
_صدفة أوقعتني بعشقها
_عشقتك يا من ملكتي قلبي
وقصص قصيرة
وليا رواية بتنزل اسمها رحلة لعالم الجنيات
▪︎من هو مثلك الأعلى في هذا المجال؟ :
دينا جمال، رحمة نبيل، فيروز عاطف، منى سلامة.
▪︎هل ترى أن التواصل الإجتماعي لهُ دورًا في هذا المجال؟ :
أكيد طبعا ليه دور كبير جدا
▪︎ما هي طموحاتك؟ :
ابقى كاتبة كبيرة وليا جمهور افتخر بيه، واكون مهندسة ديكور أو دكتورة صيدلانية💜
▪︎رسالة توجهها لِكل كاتب مبتدئ؟ :
هتواجه صعوبات كتيرة ومشاكل كتيرة وهتحس بإحباط كتير في النص بس خليك ورا حلمك وأمسك فيه واستعين بربنا.
